Xanlar Firudin oğlu Əsədullayev 9 dekabr 1988-ci ildə Siyəzən şəhərində müəllim və mühəndis ailəsində anadan olmuşdur. O, 2003-2007-ci illərdə Əzim Əzimzadə adına Dövlət Rəssamlıq Məktəbində “İnteryer dizayner” ixtisası üzrə təhsil almışdır. Xanlar Əsədullayev 2007-2011-ci illərdə Azərbaycan Dövlət Rəssamlıq Akademiyasının Təsviri sənət fakültəsində "Rəngkarlıq" ixtisası üzrə təhsil almışdır.

Xanlar Əsədullayev 2010-cu ildən Azərbaycan Rəssamlar İttifaqı Gənc rəssamlar birliyinin üzvüdür. O, təhsil aldığı müddətdə müxtəlif sərgi, dövlət tədbirləri və  beynəlxalq sərgilərin fəal iştirakçısı olmuşdur. Rəssamın əsərləri şəxsi kolleksiyalarda saxlanılır. Xanlar Əsədullayev təhsilini bitirdikdən sonra fəaliyyətini şəxsi Art Studiosunda davam etdirmişdir.

Rəssam İtaliya Azərbaycan rəssamlarının gözü ilə sərgisi (2005,Səttar Bəhlulzadə adına mərkəzi sərgi salonu), Gənc rəssamların sərgisi (2004, 2005, 2006, 2007, 2008 Səttar Bəhlulzadə adına mərkəzi sərgi salonu), Gənc Rəssamların sərgisi (2004, 2005, 2006, 2007, 2008, 2010, 2012, 2013, 2015, 2016 Rəssamlar İttifaqı),  Novruz bayramına həsr olunmuş sərgi (2005, 2006, 2007 Səttar Bəhlulzadə adına mərkəzi sərgi salonu), Türkiyə Azərbaycan rəssamlarının gözü ilə (2009), 2010-cu ildə Səttar Bəhlulzadənin xatirəsinə həsr olunmuş sərgi (2010, Muzey Mərkəzi, mükafatçı), Azərbaycan foto turu layihəsinin 1 illik yekun sərgisi (2011), Rusiyada Azərbaycan mədəniyyət günləri sərgisi, Novruz bayramı ilə əlaqədar dövlət tədbiri, Azərbaycan Respublikası Mədəniyyət və Turizm Nazirliyi “Survive Azerbaijan”, Novruz rəngləri sərgisi (Muzey Mərkəzi), Beynəlxalq İstanbul simpoziumu, “Art enerji” SOCAR–ın təşkilatçılığı ilə, “Azərbaycan qonaqpərvərliyi” rəssamlarımızın gözü ilə (Four seasons hotel Baku), “Venetsiya möcüzələri” (Muzey Mərkəzi), “Rənglərin dialoqu” (2013,Muzey mərkəzi), “Balıq bürcü” (Muzey Mərkəzi), “Gözəllik sirləri” (Muzey Mərkəzi), “Portretlərin melodiyası” Qəbələ III beynalxalq incəsənət sərgisi, Heydər Əliyevin 90 illiyi münasibəti ilə “Heydər Əliyev Müstəqil Azərbaycan Dövlətinin Memarıdır” rəsm müsabiqəsi (1969 Rəsm qalereyası), Azərbaycan gənc rəssamların portret sərgisi (Avropa Birliyinin iqamətgahı), Türkiyə-Azərbaycan Uluslararası karma rəsm sərgisi (Dolmabahce Sanat Galerisi, Türkiye İkincilik ödülü Kubok ve medal), V Portakal Çiçəyi beynəlxalq simpoziumu (Türkiyə, Sakarya), “Bakının işıqları” rəsm sərgisi (sərginin qalibi), 2014-cü ildə V Portakal Çiçəyi beynəlxalq simpozium sərgisi (Port ART residance Ankara), 2015-ci ildə Imago Mundi–“The art of Humanity-treviso” Luciano Benetton fondunun təşkilatçılığı ilə beynəlxalq art layihə,  IV Beynəlxalq İncəsənət sərgi “İdman! Gözəllik! Həyat!” (2016,mükafatçı), Azərbaycan Respublikası Mədəniyyət və Turizm Nazirliyinin təşkilatçılığı ilə ”Akvarel” rəsm müsabiqəsi sərgisi(2017), “Vətən burdan başlayır” rəsm müsabiqəsi (Xətai sənət mərkəzi), “ART Rising” şirkətinin açılışı ilə əlaqəli sərgi (Azərbaycan Milli İncəsənət Muzeyi), “Vətənin tərənnümü” adlı Etüd müsabiqə (Xətai Sənət Mərkəzi), “Azərbaycan rəssamlarının payız sərgisi” (Ağ Şəhər Qalereyası) və s. sərgi, simpozium və müsabiqələrdə  iştirak etmişdir.

Xanlar Əsədullayev “İçəri Şəhər”, “Çimərlik”, “Bakının işıqları”, “Güllər”, “Narla natürmort” və s. əsərlərin müəllifidir.