Cəlal Bəndalı oğlu Ağayev 13 sentyabr 1983-cü ildə Bakı şəhərində anadan olmuşdur. O, 1998-2002-ci illərdə Əzim Əzimzadə adına Bakı Rəssamlıq Məktəbinin Dekorativ tətbiqi və Təsviri Sənət fakültəsinin “Dizayn və reklam” ixtisası üzrə, 2006-2010-cu illərdə Azərbaycan Dövlət Rəssamlıq Akademiyasının Təsviri sənət fakültəsinin “Qrafika” ixtisası üzrə təhsil almış və “fərqlənmə” diplomu ilə bitirmişdir. Cəlal Ağayev 2010-2015-ci illərdə Azərbaycan Dövlət Rəssamlıq Akademiyasında “Qrafika” ixtisasının emalatxana müdiri vəzifəsində, 2015-ci ildən indiyədək rəngkarlıq və qrafika sənəti üzrə kurs rəhbəri, rəssam-müəllim vəzifəsində çalışır.

O, 2009-cu ildən Azərbaycan Rəssamlar İttifaqının üzvüdür. 

Rəssam 2010-cu ildən müxtəlif sərgilərdə iştirak edir. Əsasən qrafika və rəngkarlıq sahəsində çalışan rəssamın əsərləri şəxsi kolleksiyalarda saxlanılır. Rəssam indiyədək aşağıda göstərilən sərgilərin iştirakçısı olmuş, diplom, fəxri-fərman və mükafatlara layiq görülmüşdür. O, “Gaziemir çocuk şenliği” (Türkiyə.1997), “Muğam üçlüyü” (Türkiyə.2006), “Grand Silk Road Art in Azerbaijan” (2007), “Abşeron Rəsm Qalereyası” (10-13 oktyabr. Bakı.2007), “Almaniya bir rəssamın gözü ilə üç rəngdə: qara, qırmızı, qızıl” (Bakı.2008), “Amerika mənim gözlərimlə” (Azərbaycan.2009), “Kiyev MDB ölkələrinin gənc rəssamlarının gözü ilə” (Kiyev.Ukrayna.2011), “Akvarel” rəsm müsabiqəsi (2014), “Mən qürurluyam ki, Azərbaycanlıyam” rəsm müsabiqəsi (Bakı. 2014), “Я в кругу друзей” (2014.Omsk, Rusiya), “Создай свое будущее” (Moskva, Rusiya), “Молодежный Форум Ритм” (2014 Omsk, Rusiya), “Sənət dueti” (Bakı.2015) və başqa sərgi və layihələrin iştirakçısı olmuşdur. Cəlal Ağayevin 2017-ci ildə “Yeddi Gözəl” adlı fərdi sərgisi (Bakı) təşkil olunmuşdur.

Rəssam 2016-cı ilin il oktyabrın 10-dan 20-dək Türkiyənin Malatya şəhərində keçirilən “TÜRKSOY Rəssamlarının 19-cu Görüşü”ndə, 2019-cu ildə 2019-cu ildə Bolqarıstanın Sozopol şəhərində Beynəlxalq "Francophone" festivalı çərçivəsində təşkil olunmuş sərgi və plenerdə ölkəmizi təmsil etmişdir. Onun tədbir çərçivəsində yaratdığı “Qarabağ atı” adlı rəsm əsəri Malatya Böyükşəhər Bələdiyyəsinin binasında nümayiş etdirilir.     

Rəssam “İçərişəhər”, “Mis qablar və xurcun”, “Nuhun gəmisi”, “Kəndin şəcərə ağacı”, “Nərdivanlar”, “Mənim xəyali şəhərim” və s. əsərlərin müəllifidir.