Arif Möhübəli oğlu Əzizov 3 yanvar 1943-cü ildə Bakı şəhərində anadan olmuşdur. O, 1960-1965-ci illərdə Əzim Əzimzadə adına Dövlət Rəssamlıq Məktəbində, 1966-1971-ci illərdə Moskva Ali Bədii-Sənaye Məktəbində təhsil almışdır. Rəssam 1971-ci ildə Poloniya Universitetində "Qrafık dizayn" ixtisası üzrə təcrübə keçmişdir.

Arif Əziz 1970-ci ildən respublika, ümumittifaq və beynəlxalq sərgilərin iştirakçısıdır. O, 1971-ci ildə Bakıya qayıdaraq Azərbaycan Dövlət İncəsənət İnstitutunda (indiki Mədəniyyət və İncəsənət Universiteti) pedaqoji fəaliyyətə başlamışdır.

Rəssam 1973-1975-ci illərdə SSRİ Rəssamlıq Akademiyasının akademik kurslarında SSRİ xalq rəssamları, akademiklər Mikayıl Abdullayev və Yevgeni Kibrikin rəhbərlik etdikləri yaradıcılıq emalatxanalarında təhsilini davam etdirmişdir. O, 1978-ci ildə gənclər üçün müsabiqədə iştirak etdib, diplom və medalla təltif olunmuşdur.

Arif Əziz 1975-ci ildən Azərbaycan Rəssamlar İttifaqının, 1981-ci ildən Azərbaycan Dizaynerlər İttifaqının, 1997-ci ildən Vaşinqtonda yerləşən Beynəlxalq Reklam Assosiasiyasının üzvlüdür.

O, yaradıcılığının əvvəllərində plakatlar, ekslibrislər, loqolar, dizayn eskizləri, uşaq kitabları üçün illüstrasiyalar çəkmişdir. Rəssam “Bakının əmək qəhramanları” adlı 40 ədəd ağ-qara üslubda işləmiş portretlərdən ibarət qrafik əsərlər albomunun müəllifidir.

Arif Əziz mədəniyyət xadimlərindən Q.Qarayev, F.Əmirov, S.Rüstəm, maestro Niyazi və s. ofort texnikasında portretlər silsiləsini yaratmışdır. Rəssamın yaradıcılığında  Abşeron mövzusu geniş yer tutur.

Arif Əziz 1991-ci ildə “Aysel art-dizayn” şirkətini təsis edib, “Simurq” Azərbaycan Mədəniyyəti Assosiasiyasının vitse-prezidenti seçilmişdir. Ona 1992-ci ildə Professor elmi adı verilmişdir.

Arif Əziz 1995-ci ildə Azərbaycan Reklamçılar İttifaqınm vitse-prezidenti seçilmişdir. Rəssam 2005-ci ildə Beykent Universitetinə (Türkiyə) dəvət almışdır.

Arif Əziz 2013-cü ildən YUNESKO-nun sülhməramlı səfıri, “New Era” Beynəlxalq Rəssamlıq Akademiyasınm həqiqi üzvü, Bakı bölməsinin prezidentidir. O, 2015-ci ildə “Planetin incəsənəti” ordeni ilə təltif olunaraq “İlin rəssamı” adına layiq görülmüşdür. Arif Əziz 2016-cı ildə Avropa Təbii Elmlər Akademiyasının “Qızıl tac” ordeni ilə, 2018-ci ildə YUNESKO yanında Dünya Rəssamlıq Akademiyasının “Sülhsevər” nominasiyasında “Dünyanın qızıl gülü” (Roses of the World) ordeni ilə mükafatlandırılmışdır.

Rəssamın müxtəlif illərdə Azərbaycanda və xarici ölkələrdə fərdi yaradıcılıq sərgiləri təşkil olunmuşdur. Arif Əzizin 1983-cü ildə (Kolombo, Şri-Lanka), 1986-cı ildə Seneqal Səfirliyinin təşkilatçılığı ilə Moskvada, 1993-cü ildə Valininin dəvəti ilə (Dakar, Seneqal), Gənclər Qalereyasında (Moskva), 1997-ci ildə (diplom, Boxum, Almaniya), 1998-ci ildə (bələdiyyələrdən xüsusi diplomlar, Təbriz və Tehran, İran), 1999-cu ildə “Bəyoğlu” Bələdiyyə İncəsənət Qalereyasında (İstanbul, Türkiyə), 2003-cü ildə "Rəssamın 60-illiyi münasibət ilə 40-ilik fəaliyyəti", 2005-ci ildə 60 illik yubiley münasibətilə (Azərbaycan), 2013-cü ildə “Transformasiyalar” (RTR Qalereyası, Paris, Fransa), 2015-ci ildə (Kunsthaller Messmer Qalereyası, Berlin, Almaniya), 2019-cu ildə “Arif Aziz 75” yubileyi çərçivəsində tələbələrinin işləri ilə birlikdə təşkil olunan “MAESTRO & ARTISTS” adlı fərdi sərgiləri təşkil olunmuşdur.

Rəssam 1985-ci ildə “Şərəf nişanı” ordeni ilə, 1992-ci ildə Azərbaycan Respublikasının əməkdar incəsənət xadimi fəxri adı, 2018-ci ildə "Şöhrət" ordeni və Azərbaycan Respublikasının Xalq rəssamı fəxri adı ilə təltif olunmuşdur. Arif Əzizov 2023-cü ildə Azərbaycan Respublikası Prezidentinin fəxri diplomu ilə təltif olunmuşdur.